اتے ہیں علماء کرام اس مسئلہ کے بارے میں کہ

ایک شخص نے ایک چلتی ہوئی دکان کرایہ پر لی۔ دکان کا مالک شہزاد تھا۔ اس نے 5 لاکھ روپے ایڈوانس لیے اور ماہانہ 60 ہزار روپے کرایہ طے ہوا۔ حالانکہ اس لائن میں اسی نوعیت کی دکانوں کا کرایہ 80 ہزار روپے سے کم نہیں تھا، لیکن چونکہ شہزاد نے ایڈوانس زیادہ لیا تھا اور دکان پہلے سے چلتی ہوئی تھی، اس لیے کم کرایہ پر طے ہوگئی۔شہزاد نے بتایا کہ کرایہ دار دکان خالی نہیں کر رہاہے اور نہ ہی کرایہ بڑھا رہا ہے، اس لیے میں یہ دکان تمہیں اس سے لے کر دے رہا ہوں۔ہم نے شہزاد کو 5 لاکھ روپے دیے اور دکان اس سے لے لی۔ دکان میں دودھ کا کاروبار ہوتا تھا، اور ہم نے بھی دودھ ہی کا کاروبار شروع کیا۔ دکان میں دودھ سے متعلق کچھ سامان بھی موجود تھا، جو ہم نے شہزاد سےلے لیا۔تقریباً دو سال تک ہم نے دکان چلائی، اس دوران ہم نے 5 لاکھ روپے ایڈوانس اور سامان کی قیمت کے مدمیں 5 لاکھ شہزاد کو ادا کیے۔ اب معاملہ یہ ہوا کہ ہمیں اس سامان میں ایک فائل ملی ہے جو ہم سے پہلے والے دکاندار کے گھر کی ہے۔اب دکان پر کسی اور نے قبضہ کرلیا ہے، لیکن یہ معلوم نہیں ہو رہا کہ وہ پہلے والا کرایہ دار ہے( کیونکہ وہ بھی  دعویٰ کرتا تھاکہ یہ دکان اس کی ملکیت ہے)یا شہزاد ہے یا کوئی اورتیسرا فریق۔ہمیں 10 لاکھ روپے سے زیادہ کا نقصان ہوچکا ہے۔

اب سوال یہ ہے کہ:

1. کیا ہم اس فائل کو بیچ (سیل) سکتے ہیں تاکہ اپنا نقصان پورا کرلیں؟

2. یا یہ فائل شہزاد کو دے کر اس سے اپنے 10 لاکھ روپے واپس لے سکتے ہیں، پھر وہ جانے اور پہلا کرایہ دار جانے؟

3. یا ہم یہ فائل پہلے والے کرایہ دار کو واپس کرکے اس سے اپنی قیمت طلب کرسکتے ہیں، کیونکہ ہمیں معلوم نہیں کہ دکان پر قبضہ کس نے کیا ہے؟ براہ کرم ہمارے اس مسئلے کا شرعی حل تحریر فرمائیں۔

اَلجَوَابْ بِاسْمِ مُلْہِمِ الصَّوَابْ

(١،۲،۳)مذکورہ فائل چونکہ پہلے کرایہ دار کی ملکیت ہے، اس لیے وہ آپ کے پاس امانت ہے، اسے بیچنا یا روک کر نقصان پورا کرنا شرعاً ناجائز اور خیانت ہے۔ آپ کا اصل معاملہ شہزاد کے ساتھ تھا، لہٰذا آپ کو اپنے دس لاکھ روپے کا حق شہزاد سے ہی لینا چاہیے اور اسی کے خلاف شرعی یا قانونی دعویٰ کرنا درست ہے۔ فائل اصل مالک کو واپس کرنا ضروری ہے، کیونکہ امانت کو بغیر اجازت استعمال کرنا یا کسی اور کو دینا گناہ اور ضمان کا باعث بنتا ہے۔

حوالہ جات

قال اللہ تعالی :

اِنَّ اللّٰہَ یَأْمُرُکُمْ اَنْ تُؤَدُّوْا الْاَمَانَاتِ اِلٰی اَھلِہَا۔ [النساء: ۵۸]

وقال اللہ فی مقام آخر:

فَلْیُؤَدِّ الَّذِیْ اؤْتُمِنَ أَمَانَتَہُ وَلْیَتَّقِ اللّہَ رَبَّہ (بقرة: ۲۸۳(

وفی تفسیر القرطبی:

وأجمعوا علی أن الأمانات مردودۃ إلی أربابھا الأبرار منھم والفجار (۵/ ۲۵۶)

وقال رسول اللہ صلی اللہ علیہ وسلم :

”لَا اِیمانَ لِمَنْ لا أ مانةَ لَہ، وَلَا دِینَ لِمَنْ لَا عَھدَ لَہ“(سنن بیہقی-۱۲۶۹۰(

وفی المرقاةشرح المشکاة :

حق الأمانۃ أن تؤدی إلی أھلہا، فالخیانۃ مخالفۃ لھا (مرقاۃ المفاتیح، مکتبہ أشرفیہ دیوبند ۱/ ۱۲۶)

وفی الفتاوی الھندیة:

الودیعۃ لا تودع، ولا تعار، ولا تؤاجر، ولا ترھن، وإن فعل شیئا منہا ضمن (هندیۃ، کتاب الودیعۃ، الباب الأول، زکریا قدیم ۴/ ۳۳۸، جدید ۴/ ۳۴۹، کذا فی خلاصۃ الفتاوی، کتاب العاریۃ، الفصل الأول، أشرفیہ دیوبند ۴/ ۲۹۱، البحرالرائق، کوئٹہ ۷/ ۲۷۵، زکریا ۷/ ۴۶۷)

المبسوط للسرخسي – (ج 18 / ص 222)

وأما للثاني فلإقراره بأنه كان أمينا من جهته وقد دفع الأمانة إلى غيره وبإقراره صار ضامنا له.

Similar Posts

  • رات میں قربانی کرنا: دسویں اور تیرہویں رات کو قربانی کرنا جائز نہیں۔ گیارہویں اور بارہویں رات کو جائز ہے، مگر رات میں رگیں نہ کٹنے، یا ہاتھ کٹنے، یا اضحیہ کے آرام میں خلل کے اندیشہ سے ذبح کرنا مکروہ تنزیہی ہے ۔(حاشية ابن عابدين، 6/32

  • (میں تمھارا میاں نہیں رہا )

    اگر بیوی کال پر میاں سے طلاق مانگ رہی ہو اور میاں کہے: “میں تمہارا میاں نہیں رہا تم آزاد ہو “، پھر بیوی رونے لگے اور میاں کہے: “تم یہی چاہتی تھی نا؟ میں تمہاری منتیں کر رہا تھا کہ مت مانگو، تم نے کیوں مانگی؟ اب دے دی ہے” یا “اب میں نے آپ…

  • اتے ہیں مفتیانِ کرام  اس مسئلہ کے بارے میں کہ صلاۃ التسبیح  نماز کا باقاعدہ اہتمام کرنا کیسا ہے؟ اَلجَوَابْ بِاسْمِ مُلْہِمِ الصَّوَابْ صلاۃ التسبیح کا باقاعدہ اہتمام کرنا جائز ہے، بلکہ فضیلت اور باعثِ ثواب  ہے، بشرطیکہ اسے لازمی اور فرض کی طرح نہ سمجھا جائے۔جیسا کہ حدیث  مبارک میں حضرت عبد اللہ بن عباس رضی…

  • محرم الحرام کی فضیلت

    ماہِ محرم کی فضیلترسول اللہ صلی الله علیہ وسلم نے ارشاد فرمایا:رمضان کے بعد افضل ترین روزے اللہ تعالیٰ کے مہینے محرم کے ہیں۔( مسلم)اس حدیث میں رسول اللہ صلی الله علیہ وسلم کا محرم الحرام کی نسبت اللہ تعالیٰ کی طرف فرمانا، اس مہینے کے شرف اور خصوصی فضیلت پر دالّ ہے، کیوں کہ…

  • تراویح میں قعدہ کیے بغیر تیسری رکعت کے لیے کھڑے ہونے کا حکم

    سوال تراویح میں امام دوسری رکعت کے سجدے کے فورًا بعد تیسری رکعت کے لیے اٹھ گیا اور چار رکعتیں مکمل کرکے آخری قعدہ میں سجدہ سہو کرلیا، کیا اس صورت میں چاروں رکعتیں تراویح شمار ہوں گی یا نہیں؟ جواب صورتِ مسئولہ میں تراویح میں امام غلطی سے تیسری رکعت کے لئے کھڑاہو گیا،…

  • بسم اللہ الرحمن الرحیم استفتاء برائے مسئلہ قربانیِ حج (دمِ تمتع/قران) اور ترتیب محترم مفتی صاحب دامت برکاتہم السلام علیکم ورحمۃ اللہ وبرکاتہ امید ہے مزاج گرامی بخیر ہوں گے۔ عرض یہ ہے کہ حج میں قربانی (دمِ تمتع یا قران) کے متعلق چند اشکالات درپیش ہیں، جن کی وضاحت مطلوب ہے: فقہ حنفی کے…

Leave a Reply

Your email address will not be published. Required fields are marked *