ایزی پیسہ ایپ ڈاؤنلوڈ کرنے پر ملنے والے پیسوں کا حکم

السلام علیکم! آج کل موبائل کمپنیاں انکی ایپ ڈاؤنلوڈ کرنے پر 100 روپے دے رہی ہیں، اس کے بارے میں کیا حکم ہے؟ جیسا کہ ٹیلی نار کمپنی کا ایپ جس کا نام ایزی پیسہ ایپ ہے، اگر ہم یہ ایپ اپنے موبائل میں ڈاؤنلوڈ کرتے ہیں، تو ہمیں 100 روپے فری مل جاتے ہیں، اس بارے میں کیا حکم ہے؟

الجوابُ حامِدا ًو مُصلیِّا ً

موبائل کمپنیوں کی طرف سے انکی ایپ محض ڈاؤن لوڈ کرنے پر جو فری منٹس یا فری ایم بی یا پیسے وغیرہ دئیے جاتے ہیں، یہ انکی طرف سے صارفین کی تشویق و ترغیب کے لئے بطورِ انعام دئیے جاتے ہیں، اگر مذکور ایپ ڈاؤن لوڈ کرنے کے بعد کسی خاص مقدار میں اکاؤنٹ میں رقم ہونا شرط نہ ہو تو مذکور پیسے وغیرہ استعمال کرنے میں کوئی حرج نہیں۔

مأخَذُ الفَتوی

کما فی الفقہ الاسلامی وادلتہ: اذا قال الواھب: وھبت لک ھذا القلم علی ان تعوضی ھذا الثوب فقد اتفق الائمۃ الاربعۃ علی صحۃ ھذا الشرط الخ (ج5 صـ29)۔
وفی الدر المختار: وفی الاشباہ کل قرض جرنفعاً حرام اھ۔
وفی رد المحتار: تحت (قولہ: کل قرض جر نفعاً حرام) ای اذا کان مشروطا کما علم نقلہ عن البحر وعن الخلاصۃ وفی الذخیرۃ وان لم یکن النفع مشروطا فی القرض الخ (5 صـ166)۔

واللہ تعالی اعلم بالصواب